390               TESTAMENTS ENREGISTRÉS AU PARLEMENT DE PARIS             (630)
Item, et afin que les chanoines et curé dudit Saint Saintin dé Meaulx consentent qu'il soit enterré en la dicte eglise du dit Saint Saintin, il laissa à l'euvre de la dicte eglise im livres Parisis pour une fois, avec autel luminaire quil a cy dessus ordonné estre au dit Sepulcre, dont, se il trespassoit en la cure de Saint Martin ou dit Marchie de Meaulx, le curé du dit Saint Martin ou cellui de la parroisse où il trespassera au dit Meaulx, pour consentir qu'il soit enterré au dit Saint Saintin, se mestier est d'en avoir congié, aura deux cierges et deux torches après ce qu'il sera enterré et le service fait et acompli.
Item, il laissa avec ce en faisant le dit consentement au dit curé de Saint Martin ou d'autre parroisse où il trespassera au dit Meaulx nu solz Parisis.
Item, il voult et ordonna que en la dicte eglise de Saint Saintin et par les curé, vicaires, chanoines et chapellainsd'icelle eglise, se ledit testateur y est enterré, soient dictes les vigiles et commendaces, messes haultes et basses, en la formeet maniere que cy dessus est divisé estre fait au dit Sepulcre, et pour ce faire leur laissa pour les dictes xx vi messes basses, comme à ceulx du Sepulcre pour la dicte grant messe, xxxii solz Parisis pour une fois, pour ce qu'ilz ne sont pas tant de cha­noines et prestres comme ilz sont au dit Sepulcre.
Item, voult et ordonna pareillement estre dictes au bout de l'an de son dit trespassement eu la dicte eglise de Saint Saintin ou cas dessus dit commendaces et vigiles à ix pseauîmes et à ix leçons et une messe haulte des Trespassez à dyacre et soubzdyacre, et pour ce laissa aus diz curé et chanoines de Saint Saintin xxxii solz Parisis.
Item, et se ses heritiers ou ayans cause voyent en leurs consciences qu'ilz soient tenus par chascun an tant quilz vivront de faire dire unes vigiles à iu psalmes et m leçons et la dicte messe baulte, et. que ses biens puissent souffire pour ce faire, le dit testateur les en charga et charge par ces presentes en leurs consciences de le faire, tant qu'ilz vivront, au dit Saint Saintin ou ailleurs.
Item, le dit testateur ordonna encores, afin que le dit curé de Saint Martin, se icellui testateur trespasse en la dicte parroisse, con-